الكابتن “زياد شعبو” لـ خربوطلي : “من بعد أمر وطنيتك لا تقطعولنا الكهربا”

وجه الكابتن “زياد شعبو” على صفحته على موقع التواصل الاجتماعي “فيسبوك” رسالة إلى وزير الكهرباء بعنوان “كأس اسيا عالبواب و قطعة الكهربا تحت الشباك” وفي نص الرسالة :

رسالة إلى الأستاذ زهير خربوطلي وزير الكهرباء :

“سيادة الوزير يمكن حضرتك سمعت أنو منتخبنا مشارك بكأس آسيا ، و إذا ما سمعت ليكني عمخبرك”

وتابع : “سيادة الوزير نحنا أول مرة بتاريخنا منشارك ببطولة و منكون مرشحين فوق العادة لنعمل شي مهم للبلد”

وأضاف : “سيادة الوزير كوي ما بدنا منلبس تياب مجعلكة مو مشكلة ،دفا ما بدنا ايماننا بدفينا ، مي سخنة كمان ما بدنا اساسا” نفسياتنا نضيفة مو ضروري نتحمم ، بدنا نركض مع هالشباب بالملعب ، بدنا نشوفن و نتفاعل معن ، نزعل أو نفرح المهم نكون معن ، بقا يا سيادة الوزير من بعد أمر وطنيتك لا تقطعولنا الكهربا وقت المباراة ، وقت المباراة لا تقطعولنا الكهربا”

يذكر أن البطولة الآسيوية تنطلق في 6-1 وسيواجه منتخبنا في أول مبارياته المنتخب الفلسطيني.

زر الذهاب إلى الأعلى
إغلاق
إغلاق